فكرة وشرح كامل لتعليمك ازاى تقدر تحدد سرعات للعملاء بافكار جديدة وحسب ماتريده adress list

طيب يا عمنا ايه هيا الأردس ليست وايه فوايدها
الأدرس ليست دى هيا تعليم مجموعه ايبيهات بمارك محدد ليها ومن خلال المارك دى ممكن نعمل بيها كل اللى احنا محتاجينه يعنى مثلا ممكن اعطاء سرعه ولتكن 1 ميجا للمجموعه كلها لا يتخطوها وتكون مفتوحه ليهم كلهم
كمان ممكن اعطائهم نفس السرعه دى ولكن بتحديد سرعه بروفايلات او معادلات طرق كتير ممكن الاستفاده منها ولكن المهم نفكر نستغلها ازاى

قبل ما اتكلم عن طرق الأدرس ليست حبيت اشرح اساسيات مهمه جدا فى الكيوز واللى منها بنقدر نتحكم فى كل الاوامر بالطرق والاشكال اللى نحبها من تقسيم سرعه
اولا خواص ال 
parent
 

البيرنت بالعاميه هوا اساس البناء لكل بيت ولكن فى الميكروتك هوا أساس قياس السرعه والمصدر المسحوب منه

طيب احنا بنستخدم البيرنت ازاى

البيرنت عاده مقسم الى 5 أجزاء ولكن بيزيدوا زى ما تحب
اول جزء هوا global-out
دا أساس اى صغيره كانت او كبيره لكل السيرفر فى وقت واحد خارجه للعملاء بمعنى انى لو استخدمت جلوبال اوت يبقى بمنع اي تقسيم سرعه أخر بخلاف الكيو المستخدم وعند استخدامه الكيو تري بيسبق الكيو سيمبل فى التحديد
هنعمل مثلنا على التصفح مثلا
لو حددت امتدادات الصور والتصفح بشكل عام وعملتلهم امر فى الكيو ترى واخترت جلوبال اوت وحددتلهم 2 ميجا
لو جه عميل عنده بروفايل 128 وطلب الامتدادات دى من السيرفر وقتها بيروح للكيو تري اولا وياخد السرعه المحدده للامتدادات دى فيه دون النظر للكيو سيمبل نهائيا وبالتالى الامتدادات دى هتتحدد على حسب سرعه 2 ميجا المختاره فى الكيو تري

نيجى لتانى حاجه
global-in
عمله نفس عمل الجلوبال اوت ولكن بعكس الامر من خروج من الميكروتك الى طلبات ليه
وبنفس المثال هتفهم كلامى
فلنفرض ان امتدادات التصفح 1 ميجا وعندنا 15 عميل بيطلبوا الامتدادات دى
جينا للعميل ال 12 والواحد ميجا دول اتسحبوا كلهم
وقتها من اول العميل 13 الى العميل 15 مش هيعرفوا يشغلوا امتدادات التصفح دى نهائيا لحين قله السحب عن 1 ميجا

طيب نيجى لتالت أمر
global-total

دا جامع بين الجلوبال اوت والجلوبال ان فى نفس الأمر
بمعنى انى مقدرش اتخطى سرعه 1 ميجا تصفح وفى نفس الوقت السحب بيكون من خلال ال 1 ميجا دى للعملاء دون النظر لسرعه بروفايلاتهم فى الكيو سيمبل

الأمر الرابع
دا بيكون باسم كارت الدخول الخاص بك سواك كان in او wan او اي اسم انت مختاره

دا بقى مهمته نفس مهم جلوبال ان ولكن فى الجلوبال ان الكيو تري بيسبق الكيو سيمبل
هنا العكس الكيو سيمبل بيسبق الكيو تري
بمعنى انى محدد طلبات التصفح 1 ميجا لا يتعدوها وفى مثلا 5 عملاء كل عميل ليه سرعه 512 فى الكيو سيمبل
وقتها بتتحدد عدد الطلبات دى بناء على سرعه العميل ال 512 لكن لو المجموع تخطى ال 1 ميجا بيمنع العملاء اللى عليها الدور
الامر الخامس والاخير
اسم كارت الخروج
out او lan او local
دا بيكون حسب الاسم اللى انت مسميه لكارت الخروج
دى بقى مهمته هامه جدا
فلنفرض اننا عاوزين نحدد للداونلود سرعه لا يتخطاها العملاء ولتكن 1 ميجا
بنعمل امتدادات التحميل ونحددلها سرعه واحد ميجا فى الكيوتري وبيرنت كارت الخروج
وقتها لو عميل صاحب سرعه 512 حمل بياخد سرعته عادى 60 كيلو ييجى معاه 3 عملاء كمان 512 بيحملوا يبقى كده المجموع 2 ميجا
لاء المجموع هيكون 1 ميجا فقط ومقسم عليهم حسب قوه الروابط وجوده الاتصال
بمعنى انها شبيهه بجلوبال اوت لكن الكيو سيمبل فى الحاله دى يسبق الكيو تري
البيرنت الوهمى
دا بيكون رول موجود فى الكيو تري اصلا وبنستخدمه كبيرنت
طيب دا فايدته ايه
فلنفرض انى عاوز احدد امتدادات التحميل بسرعه 2 ميجا بس عاوز اعمل لكل امتداد سرعه خاصه ولتكن 256 كيلو
يبقى هنعمل رول فى الكيو تري ونسميه مثلا ماكس ونعمله بسرعه 2 ميجا ونختار البيرنت حسب اللى عاوزينه يتم من الخمس اصول المشروحه واللى بناء ليها هتتحدد اصول كل الاوامر التاليه
ونعمل رولات بالامتدادات كل امتداد سرعه 256 ونختار البيرنت ماكس زى الاسم المسبق
وقتها كل امتداد هيحمل بسرعه 256 فى حين ان المجموع الكلى لهم لن يتعدى 2 ميجا وبالاصل المستخدم فى البيرنت ماكس


كده انتهينا من اوامر parent وفهمنا سريعا كيفيه عملها
نيجي لتانى اهم حاجه فى تقسيم السرعات

وهى الكيو تايب

الكيو تايب ليه اوامر كتير ولكن هنختار منها امرين فقط ودول اللى بنستخدمهم
الامر default-small
ودا بيعتمد على خاصيه pfifo
او بمعنى اخرFirst-In First-Out
يعنى بالبلدى اللى يلحق يكسب
بمعنى انك لو طلبت عشرين امر فى نفس الوقت ال 20 دول بياخدوا نفس السرعه ولكن بتتقسم حسب الاسبقيه

الامر التانى
بنصنعه بايدينا ولكن بنعمله تقنيه pcq
يعنى Per Connection Queuing
دى تقنيه مصنوعه من خلال الميكروتك نفسه
ودى معناها ان لكل قائمه انتظار اتصال خاص بها بنفس السرعه المحدده
يعنى لو محددين للكيو تايب سرعه 512 وعطينا التايب دا لعميل وفتح اكتر من اتصال كل اتصال بياخد سرعه 512


كده انتهينا من شرح اساسات تحديد السرعات بخلاف طبعا اعطاء السرعه نفسها ودى كلنا عارفين بتتعمل ازاى
نيجى للأدرس ليست وهو موضوعنا النهارده
الادرس ليست بيتم تحديده باكتر من طريقه وبيتم استخدامه باكتر من شكل يعنى ممكن نحدد ايبيهات موقع معيا تحت ادرس ليست واحد او ممكن استخدامها لتحديد مجموعه عملاء من خلال ايبيهاتها ودى اللى هنتطرق ليها النهارده وعموما الموضوع لا يختلف كثيرا الا فى رول المانجل وهاوضح الاختلاف بينهم وقتها
طرق تحديد الادرس ليست للعملاء
ممكن يدويا
وبتكون من خلال تثبيت ايبيهات العملاء فى الليزس بحيث نضمن ان التحديد هيتم بشكل صحيح على العملاء المطلوبه
وبعدها ندخل على
ip >> firewall >>address list

فى خانه name بنكتب اسم نميز بيه المجموعه لاستخدامه لاحقا

وفى خانه ادرس بنكتب الايبي اللى هنحدده سواء كان ايبى عميل او ايبى موقع

دى الطريقه اليدويه

فى طريقه بقى بتكون من خلال البروفايل


فى الخانه دى بتكتب اسم للادرس ليست ووقتها اي عميل ياخد البروفايل دا الايبي بتاعه بيتحط تحت طائله الادرس ليست ووقتها مش محتاج تثبت ايبى فى الليزس للعميل

طيب احنا كده حددنا الأدرس ليست دى ازاى نستفيد منها بعدها
الأمر دا بيتم من خلال المانجل وممكن برول واحد فقط لكن الأفضل استخدام رولين للموضوع دا
يبقى نروح على
ip >> firewall >> mangle
ونعمل الرولين التاليين

الرول الأول













الرول الثانى










كده انتهينا من تحديد الادرس ليست وعملنا ليها مارك باكت باسم new test ممكن استخدامه من خلال الكيو تري او الكيو سيمبل فى المارك باكتس زى الصوره دى





وبشرح طرق تحديد السرعات اللى فى بدايه الموضوع ممكن تتحكم فى العملاء دى حسب ما تحب