وفر روتر بورد وخلى التصفح سريع جدا مع الدمج بريدج و pcc مع شادى سوفت حل جبار للتصفح

الاخوة الكرام

مشكلة التصفح والفيس بوك واليوتيوب بنت لذين مع الناس كلها

وبالاخص بقى (البس علشان خارجين) لو انت دامج ياريس

اول مالخط الاول يخلص (للى مبياخدش باله لو خطك الاول 2 او 4 بص كده لو خلص يعنى طالع سرعته كلها من الروتر بورد او الكيسة او ايا كان نظام الدمج اللى انت عامله)

بيروح تليفونك رايح فى داهية

ودماغك

وتلف حوالين نفسك

وتغنى معمولى عمل احيه احيه على رجل جمل!!!!

طبعا انت وائق ان الدمج مالوش مثيل

ورهيب

وجميل ومافيهوش مشاكل

وبتاخد كل السرعة

بس التكة يامعلم..(حلوة التكة دى اوى مش كده؟)

التكة يامعلم فى الخط الاول

اى وسيلة دمج او طريقة بتحط فى الراوتس سطر ايبى الخط الاول وبيبقى الديستانس اى الاولوية للخط الاول مش كده؟؟

طيب ياريس الخط الاول 4 ميجا واتسحب ايه اللى هايحصل؟؟

اقعد بقى اهرش فى دماغك من هنا للصبح

مالهاش الا حل واحد فقط ياريس

هاتبقى عسلية بالمهلبية للصباح الباكر

يعنى الشخرمون هايطوخ فى الترلولى

يعنى من الاخر كده انت بدك خط كبيييييييييييير فى الديستانس واحد (1)

علشان على الاقل ميخلصش كله

لان الدمج بيمشى يدور على الخطوط بتاعتك كلها

بس بيهتم اكتر بالخط الاول وبيرمى اكتر الناس على الخط الاول

قوم ايه بقى!!!!

قوم انت تتنصح وتشغل الجى (الجمجمة يعنى)

هى الشركات جت تبيض علينا حطوا لنا الاستخدام العادل مش كده

قوم ايه بقى؟؟!!!

طلعنا احنا العن وادل وبيضنا عليهم بيض ديناصورات وروحنا جايبين خطوط ودامجين مش كده ياواد ياناصح منك له؟؟!!

طيب الدمج بقى بيبض علينا وعاوز خط حلو وامور يبقى ملظلظ علشان التصفح والفيس واليوتيوب

والله يحرقهم بجاز بتوع اليوتيوب

والحبيبية بتوع الفيس

واللعيبة بتوع الاونلاين جيمز

والهليبة بتوع التصفح والصور الشفتشى والحمصى (دول بقى ام نحس الشبكة)

نروح نعمل ايه بقى؟؟!!!

نروح نبيض تانى بيضة ديناصور على الدمج ونطلع ابضن منه

شوف ياجدع الدماغ لما تشتغل يالهووووووووووى

ده انت مش وفرت التصفح والسرعة فتحتها وبس لا وشوف بقى

انت وفرت تمن روتر بورد كبير

يعنى فى الفيديو اللى هاتشوفوه ده

انا دامج فى 3 فتحات بس من الروتر بورد وموزع من الفتحتين اللى متبقيين

يعنى مش اكلت الروتر بورد وبس لا انا مصمصت عضم اللى جابوها

الواد اللى حاطط ايده فى مناخيره ووصلت لجمجمته يشيلها كده ويبطل الحركة دى ويفوق مع عمك شادى

بص ياواد

انا معايا 6 خطوط فى الشبكة

ومعايا 4 رينجات خروج ايبى مختلفين

هاعوز ايه؟؟

ايون صح اللى انت قلته

عاوز روتر بورد 2011 ودى هاتبقى غالية شوية عليا مع انى معايا حاليا روتر بورد 750 جى ال

صديقة كفاحى

انا بقى فى ليلة من ذوات الليالى

لما حسبت حسبتى دى كده ولقيت الدنيا مقشفرة وجايبة ورا

روحت داخل على ست الكل وقلت لها مساء الفل الاقيش سلفة ياام البطل

قالت لى روح ياحبيى غور بشبكتك دى انت ذهقتنى نانوهات ولوكوهات وحاجات ومحتاجات

طبعا الام مدرسة اذا اعدتها اعددت مشتركين محترمين

خرجت ودانى مدلدلة ومطرطقة وشكلى وحش

حلفت انى مخرجش بره الاوضة الا ومعايا الفنكوش

والحمد لله

ودى الصور

الرولات

التحميل