اعضاء مدونة ميكروتيك العرب
اهلا بكم
فى الفترة الاخيرة لاحظت حالة غريبة بين مرتادى المدونة
واحد عمل برنامج وقالى اعرضه للناس تشوفه وقلنا فى الفيديو غير مجانى
مش شغلى ده تعبه هو وتعبى انا فى العرض عرضته مجانى
فوجئت بكمية سحت مالهاش حل؟..
بذمتكم انتم عاوزين حد يطور ولا بتشجعوا حد يطور حاجة ويعرضها؟..
شغلى كله مجانا من يوم مابدئت اول درس فى 2006
لكن لما واحد يشتغل ويتعب علشان يلاقى مقابل لمجهوده
ونعرضه لكم وبدلا من التشجيع اسمع وصلة شحاتة صباحية ومسائية
يبقى الافضل اللى عاوز يستفيد من شغل الراجل هو اللى يلزمه
واللى ممعهوش ميلزموش افضل علشان يريح ويرتاح
مش معقول كل واحد يعمل شغل يطور فى المجال
نخش نحبطه كده ونقوله ادينى ببلاش!!!!
طالما ببلاش يبقى حقى اطالبك بحق ربنا
انك تعمل شبكتك ببلاش ومتاخدش فلوس!!!!
ولا تلم اشتراكات طالما بوفر لك كل حاجة ببلاش
وانت بتصر على ان شغل وجهد الناس الخاص يجى لك ببلاش
يبقى حق ربنا متلمش ولا مليم اشتراك وتدى النت للناس ببلاش يابرنس
المهم نيجى لتطوير المهندس عمرو سامى الفائق الروعة
اه نسيت للمهندس احمد عيد الكلام منقول من الجروب ومش انا اللى كتبته
وانا المدونة الوحيدة يااحمد اللى بتعرض شغلك ويرايت تقول للناس
انا باخد منك مقابل نشرى ولا لا؟؟
لان احمد زعل وقال فى تعليق انى موجه له الكلام وان شغل الراجل كوبى وباست
مش عارف ليه الاصرار على الكلام ده؟..
نرجع لموضوعنا
المصمم عمرو سامى طرح صفحة للبيع
الناس هاجت وماجت وقالوا له لا ياعم ببلاش؟!!!
الراجل محترم جدا نزل لكم نسخة تست تجربة
فيها صفحة الدخول روعة
وصفحة مابعد تسجيل الدخول اروع
وطلب عرضها للناس مجانا يشوفوها
تصدقوا بالله انا عارف ان نصكم هياخدها زى ماهى كده ويلطعها فى السيرفر بتاعه
ونصكم التانى يقولك ماتكلمها كلها ببلاش يابرنس ولك قصر فى الجنة؟!!!
انا بس بقول نعمل حق ربنا طالما عاوز شغل الناس ببلاش وانا شغلى كده كده ببلاش
يبقى توزع النت على مشتركينك ببلاش
ومتلمش اشتراكات علشان الناس دى تتساوى معاك
الصفحة روعة مش هاعرف اوصفها
انا صورتها فيديو لكم تشوشوفها
الفيديو
تحياتى لكم
شادى سوفت
0 تعليق على موضوع : احدث صفحة هوتسبوت فائقة الروعة والجمال ميكروتيك هوتسبوت ميكروتيك العرب الاصدار المجانى MIKROTIK HOTSPOT
الأبتساماتأخفاء الأبتسامات