مداهمات امنية بالجملة على اصحاب الشبكات يرجى الانتباه فورا..

تقوم الان الشرطة المصرية بعمل مداهمات امنية كبيرة المستوى

ولكـــــــــــــــــــــــــــن

قصدت اعمل الموضوع ده لتنبيه كل اصحاب الشبكات عن الخطر القائم

(1) حملات الشرطة والمصنفات مصدرها الحرب الاليكترونية 

الخاصة بمخابرات الجيش

يرجى ..يرجى...يرجى اتباع الاتى

التخلص من اى عنصر يهدد النظام او ينشىء صفحات تهد الامن والسلم الوطنى

اى مشترك تشك فى تصرفات مريبه منه تجاه المواقع 

الحكومية او صفحات مناهضة للحكم الغاء الاشتراك فورا

(2)كثرت المداهمات تكون بناء على بلاغ من احد السكان 

او سلوك مريب لاحد الاعضاء على الشبكة

لو فتحتوا كل اخبار المداهمات الامنية هاتلاقوها ببلاغ ورد للواء فلان

او ان على الشبكة نشطاء ضد جهاز الدولة والشرطة والجيش

لكــــــــن عمرك ماهتسمع ان المصنفات هجمت على حد كده من نفسها

كيفية التـــــــــــــــــأمين

(1)الغاء اشتراك اى عنصر مريب داخل الشبكة

لان العنصر ده كل تصرفاته وافعاله بالنسبة للمخابرات 

هى الايبى بتاع الروتر اللى سيادتك المالك الاصلى له

وهاتلاقى نفسك هوبا هيلا بيلا ملفوف مع سويتشاتك 

وروتراتك ورايح امن الدولة يابرنس

يبقى معلش الناس اللى زى دى تجيب لهم خط لوحدهم باسمهم

 وتشغلهم لهم وتبعد اى نشاط لك عنهم

او تفصل السلك خالص نهائيا

الطابعة بتاعتك لها سريال معروف وتقدر الشرطة تجيبها فورا

يرجى عدم طباعة اى اوراق مناهضة لنظام الحكم نهائيا

العمليات الان فى سيناء على اشدها وبدء التهجير 

الجماعى ودك المنطقة بالكامل واعادة تعميرها

ونشاط المخابرات الاليكترونية يزيد عن الوصف الان

هاتسمعوا اخبار كتير الايام القادمة من انهم تحفظوا على شبكات وماشابه

بسبب اعضاء داخل الشبكة لانهم يستهدفون ايبى الروتر والمالك الرسمى للروتر

يفضل ياجماعة الابتعاد عن دائرة الشبهات

يعنى من الاخر كلوا عيش...واخدين بالكم..كلوا عييييييييييييييييييييييش

اى عنصر داخل شبكتك الان من فضلك اظهار صفحة فصل الخدمة 

لحين تسوية وضعه

والله الموضوع اكبر بكتير من كلام وطنى وسياسى

لكن الحملات هاتكبر جدا الايام القادمة لنشطاء الصفحات وخلافه

فياريت تحافظ على شغلك واكل عيشك

مش هاقول مصدر الخبر..

بس اللى هاقوله انه تنبيه وصلنى من جهة عليا لكل شبكات مصر

اللهم بلغت اللهم فاشهد

ومش المقصود الترهيب ولكنى شوفت كتير بوسطات اخواتنا فى الجروب

جايبين حوداث مشابهة كتير ومحدش فاهم سبب التحفظ على الشبكة بالكامل ومديرها

كمان كلامى ده ماهيبقاش له لازمة بعد شهر او اقل من الان

نظام المراقبة الامنية الجديد والمخابرات الاليكترونية 

مش هيستناك لما تشيل العنصر المخالف فى شبكتك

انا صاحب شبكة زيكم

واول اجراء عملته اليوم هو تصفية المخالفين بصفحة فصل الخدمة

وتقديم خطوط على ارقام الارضى الخاصة بهم ببطاقتهم 

واسمهم وهما حرين يشيلوا ليلتهم

وده حاجة بسيطة جدا من اللى هايحصل

معاينة

تحياتى لكم

شادى سوفت