كيفية رفع السوفت لاجهزة يوبيكويتى فى حال المشكلات المختلفة واللودر الاصلى من الشركة..شادى سوفت

الاعضاء الكرام

تصبح مرة متلاقيش جهاز البيكو او البوليت شغال....
تروح على السويتش تلاقيه منور عادى بس لمباته خضرا ومحدش رابط...
تدور تفتح بالايبى بتاعه متعرفش...
ساعتها بقى اقولك ادخل بالايبى الديفولت بتاعه من تانى
192.168.1.20
هاتلاقى الجاهز كانك لسه جايبه
تبرمجه من تانى.....

طيب المشكلة منتهتش ...المشكلة بدءت....

كل يوم هايعمل معاك الحركة دى...

الحل هاتعمل عدة خطوات:...

(1) هاتفك الجهاز بالباور بتاعه....
فك الباور لو جواه مياه امشى عليه بفرشة تنر وسيبه ساعتين ينشف وياسلام لو بلاور عليه علشان ينشف بسرعة

(2) هاتغير وصلة السلك مابين البيو اى والجهاز بوصلة جديدة غير اللى راكبة عليه بتاعة التى بى لينك

(3) هاتغير سلك الكهربا واتاكد من عدم الطول الكبير واتاكد ان الكهربا تمام ويحبذ استبليزر ب 135 جنيه يوفر لك الافات

(4) هاتنزل السوفت الاحدث على الجهاز بواسطة tftp
طريقة السوفت
الشرح بأذن الله سهل وبسيط

اولاً توكل علي الله وقم بتحميل اللودر ده

هنا

قم بفتح اللودر واضبط اعداداته كما تشاهد في الصورة التاليه :

ضع 192.168.1.20
قم بأختيارالسوفت وير الاصلى للبوليت من جهازك
اضغط على الزر الخاص بالريسيت للجهاز وخللي اي حد ماشي في الشارع او موجود معاك يوصل البور [الكهرباء الفيشه]

الجهاز هيشتغل

واستمر في الضغط حتى تضيء اضواء السيجنال ورى بعض زي انوار الزينه اتنين اتنين لفوق وساعتها الجهاز هيدي ريبلايهات على 1.20
اترك الزر واضغط على [upgrade] في اللودر كما تشاهد في الصوره السابقه

هيبدا يتحمل السوفتوير كما تشاهد في الصوره التاليه :

وبكده الف مبروك تماستعادة السوفت وير الاصلى للبوليت
والموضوع ده يصلح لاى جهاز من شركة يوبيكويتى

التحميل

(5) اطلع ركب الحاجة بتاعتك وامن الباور جدا لان السبب فى الاساس هو دخول المياه للباور

على فكرة ممكن تيجى تشوف الباور تلاقيه ضارب الفتحة بتاعته وكمان الارجى جواه من الصدء وقع لوحده دى عوامل المياه

انا حبيت افيدكم فى الموضوع ده بعد المعاناة معه